কাৰ্বি আংলং জিলাৰ উত্তৰ বড়বিল উপ-আৰক্ষী চকীৰ অন্তৰ্গত ফুলনি নগৰত এক ভয়ংকৰ পথ দুৰ্ঘটনা সংঘটিত হয় ।

কথমপি প্ৰাণ ৰক্ষা পৰে এজন পথচাৰীৰ ।

জানিব পৰা মতে ফুলনি নগৰৰ ২৯ নং চাৰিলেণ্ড যুক্ত ৰাষ্ট্ৰীয় ঘাইপথত গুৱাহাটী দিশৰ পৰা ডিমাপুৰ অভিমুখে গৈ থকা AR-01-H-9391 নম্বৰৰ এখন তিব্ৰবেগী CRETA বাহনে একে দিশৰে গৈ থকা এজন পথচাৰীক পাছ ফালৰ পৰা খুন্দা মৰাৰ ফলত উক্ত পথ দুৰ্ঘটনাটো পতিত হয় ।

আনহাতে দুৰ্ঘটনাত গুৰুতৰ ভাবে আহত হোৱা পথচাৰী জনক স্থানীয় ৰাইজৰ তৎপৰতাত ফুলনি মডেল হস্পিটেলত ভৰ্তি কৰোৱা হয় যদিও চিকিৎসকে উন্নত চিকিৎসাৰ বাবে ডিফু মেডিকেল কলেজলৈ প্ৰেৰণ কৰে ।

আহত হোৱা ব্যক্তি জন ফুলনিৰ চি’পিলাংচ’ৰ বে ইংতি গাঁওৰ নিৱাসী ৫০ বছৰীয়া বাবু ইংতি বুলি জানিব পৰা গৈছে ।

ইপিনে ঘটনাস্থলীত উত্তৰ বড়বিল উপ-আৰক্ষী চকীৰ আৰক্ষী উপস্থিত হৈ ঘটনাৰ বুজ লয় ।