ধুবুৰীৰ গৌৰীপুৰৰ বালাজানৰ খাটামাৰীত অচিনাক্ত মৃতদেহ উদ্ধাৰ। ধুবুৰী জিলাৰ গৌৰীপুৰৰ বালাজানৰ খাটামাৰীত যোৱাকালি সন্ধিয়া বিলৰ পানীত হাঁহ বিচাৰি যোৱা এজন ব্যক্তিয়ে পানীত ওপঙি থকা এটি মৃতদেহ প্ৰত্যক্ষ কৰে। পিছত বালাজান আৰক্ষীক খবৰ দিয়াত আৰক্ষীয়ে মৃতদেহ উদ্ধাৰ কৰি ধুবুৰী চিকিৎসা মহাবিদ্যালয় হস্পিতালৰ মৰ্গলৈ প্ৰেৰণ কৰে। উল্লেখ্য যে দুদিনমান পূৰ্বে ডুমৰদহৰ আবু বক্কৰৰ পুত্ৰ ইমদাদুল প্ৰধানী ওৰফে এন্দাজুল নামৰ
এজন যুৱক নিৰুদ্দেশ হৈছিল। উদ্ধাৰ হোৱা মৃতদেহ সেই যুৱক জনৰ বুলি ভাবিয়ে মৃতদেহ উদ্ধাৰৰ খবৰ পাই স্থানীয় ৰাইজ বিলৰ পাৰত ভিৰ কৰে। কিন্তু ওৱলি যোৱা মৃতদেহ কোনেও চিনাক্ত কৰিব পৰা নাই।
