মাতৃক বিচাৰি হাহাকাৰ এটা হাতী পোৱালি ।
হোজাইৰ হাৱাইপুৰত উদ্ধাৰ এটা বন্যহস্তীৰ পোৱালী। নিশাৰ ভাগত বন্যহস্তীৰ এটা জাকৰ পৰা বিচ্ছেদ হৈ বন্যহস্তীৰ পোৱালীটো হোজাই যমুনাচিট আৰু হাৱাইপুৰ অঞ্চলৰ জনাঞ্চলত প্ৰৱেশ কৰে। জনাঞ্চলত প্ৰৱেশ কৰি স্থানীয় ৰাইজৰ ঘৰসমূহত প্ৰৱেশ কৰি তাণ্ডৱ সৃষ্টি কৰে বন্যহস্তীৰ পোৱালীটো। আজি পুৱাৰ ভাগত ঘটনাস্থলীত বনবিভাগৰ দল উপস্থিত হৈ আটক কৰিবলৈ সক্ষম হয়। বনবিভাগে ইতিমধ্যে হাতীৰ পোৱালীটো স্বাস্থ্য পৰীক্ষা কৰি কাজিৰঙা বনাঞ্চললৈ নিয়াৰ বাবে যো জা চলাইছে।
