খাৰুপেটীয়াৰ আৰিমাৰীত অঘটন । দৰঙৰ খাৰুপেটীয়া আৰক্ষী থানাৰ অন্তৰ্গত ৪ নং আৰিমাৰীত অঘটন । মাদ্ৰাছাৰ এগৰাকী ছাত্ৰই নদীত মাছ মাৰিবলৈ গৈ দ গাতত পৰি নিখোজ হয় । সোমবাৰে সন্ধিয়া ৪ নং আৰিমাৰী গাঁৱৰ ইছাহক আলীৰ পুত্ৰ ফাৰুক আলী তথা আৰিমাৰী হাফিজিয়া মাদ্ৰাছাৰ ছাত্ৰ গাওঁ খনত থকা নলাৰ দ গাতত পৰি নিখোজ হোৱাত চৌদিশে চাঞ্চল্যৰ সৃষ্টি হয় । স্থানীয় ৰাইজৰ সহযোগত SDRF বাহিনীৰ লোক ঘটনা স্থলীত উপস্থিত হৈ অভিযান চলাই যদিও আন্ধাৰৰ বাবে বিফল হয় অভিযান । আজি পুৱাই SDRF বাহিনী আৰু চিভিল ডিফেন্স বাহিনীৰ অভিযানত উদ্ধাৰ হয় ছাত্ৰ জনৰ মৃতদেহ । উল্লেখযোগ্য যে , নদী খনৰ পৰা অবৈধ ভাবে বালি খনন কাৰ্য চলোৱাৰ বাবেই সৃষ্টি হৈছে দ গাতৰ । মৃতদেহ উদ্ধাৰ হোৱাৰ পিছতে গাঁও খনৰ লগতে পৰিয়ালৰ মাজত পৰিছে শোকৰ ছাঁ । ইতিমধ্যে খাৰুপেটীয়া আৰক্ষী থানাৰ ভাৰপ্ৰাপ্ত বিষয়া তনুজ মাইবংছাৰ নেতৃত্বত আৰক্ষীৰ এটা দল ঘটনা স্থলীত উপস্থিত হৈ তদন্ত আৰম্ভ কৰিছে ।
