বলপূৰ্বক ভূমি বেদখলৰ চেষ্টা ।
দলগাৱঁত ভূ মাফিয়াৰ দপদপনি ।
বলপূৰ্বক ভূমি বেদখলৰ চেষ্টা । ।
দৰঙৰ দলগাঁও আৰক্ষী থানাৰ অন্তৰ্গত বৰুৱাঝাৰ গাঁৱৰ চান মিঞাৰ পুত্ৰ ৰফিকুল ইছলামৰ মাটি বেদখল কৰাৰ চেষ্টা চলাইছে এটা দুষ্ট চক্ৰই । জানিব পৰা মতে , প্ৰায় ২১ বছৰ পূৰ্বে আব্দুল ছামাদৰ পৰা মাটিখিনি কিনি লৈছিল ৰফিকুল ইছলামৰ মাতৃ আলেছা বেগমে । বৰ্তমান ৰফিকুল ইছলামৰ নামত ম্যাদী পট্ৰা হৈছে মাটি খিনি । ২১ বছৰ পূৰ্বে বিক্ৰী কৰা মাটি বলপূৰ্বক বেদখল কৰাৰ চেষ্টা কৰিছে দুষ্ট চক্ৰৰ দলটোৱে । বৃহস্পতিবাৰে আব্দুল ছাত্তাৰৰ নেতৃত্বত এটা বৃহৎ দলে ৰফিকুল ইছলামৰ মাটিত বলপূৰ্বক ভাৱে পকী খুটা পুতিবলৈ ধৰাত বাধা দিবলৈ আগবাঢ়ি যায় ৰফিকুল ইছলামৰ মাতৃ আলেছা বেগম । অভিযোগ মতে , আলেছা বেগমক মাৰপিট কৰাৰ লগতে অশ্লীল গালি গালাজ কৰে । শুকুৰবাৰে পুনৰ ডাম্পাৰ লৈ দলে বলে মাটি পেলাবলৈ যায় আব্দুল ছাত্তাৰৰ দ’ল । মাটি পেলাবলৈ বাধা দিয়াত ৰফিকুল ইছলামৰ মাতৃ পত্নীৰ ওপৰত আক্ৰমণ চলায় । আক্ৰমণত আহত হয় মাতৃ পত্নী । শহুৰৰ ওপৰতো আক্ৰমণ কৰে বুলি এজাৰত উল্লেখ কৰে । সম্প্ৰতি বিভিন্ন ভয় ভাবুকি দেখুৱাই আছে দলটোৱে । এই সন্দৰ্ভত দলগাঁও আৰক্ষী থানাত এজাহাৰ দাখিল কৰি সঠিক তদন্তৰ জৰিয়তে ন্যায় বিচাৰি আৰক্ষী প্ৰশাসনৰ ওচৰত অনুৰোধ জনাইছে ৰফিকুল ইছলামে।
