ডিগবৈত এটা বনৰীয়া হাতীৰ মৃতদেহ উদ্ধাৰ। ডিগবৈ বন আঞ্চলিক কাৰ্য্যালয় অধীনস্থ খেৰজান ভীমপথাৰ গাঁৱৰ পিছফালে পাতলীয়া হাবিত যোৱাকালি দেওবাৰে এটা বনৰীয়া হাতীৰ মৃতদেহ উদ্ধাৰ হয়। বন বিভাগৰ বিষয়া কৰ্মচাৰী আৰু পশু চিকিৎসক ৰুবুল শইকীয়া ঘটনাস্থলীত উপস্থিত হৈ ঘটনাৰ বুজ লয়।পশু চিকিৎসক শইকীয়াই জানিবলৈ দিয়া মতে ৮/১০ বনৰীয়া মখনা হাতীটো এনথ্ৰাক্স ৰোগত আক্ৰান্ত হৈ মৃত্যু হোৱা বুলি ধাৰণা কৰিছে।প্ৰকৃততে কি কাৰণত হাতীটো মৃত্যু হ’ল এতিয়াও জানিব পৰা নাই। মৰণোত্তৰ পৰীক্ষাৰ অন্তত প্ৰকৃত কাৰণ উদ্ধাৰ হ’ব।
