বোকাখাতত ছাগলী চুৰৰ সন্ত্ৰাস
শেহতীয়াকৈ চহৰখনত চুৰৰ উপদ্ৰৱে জনসাধাৰণক চিন্তিত কৰি তুলিছে ৷ এইবাৰ দিন দুপৰতেই সংঘটিত হৈছে
চুৰিকাণ্ড ৷ বোকাখাতৰ বিভিন্ন অঞ্চলত আজি কিছু দিনৰ পৰা ছাগলী চুৰে সন্তাশ চলাই আহিছে আজি দুপৰীয়া বোকাখাতৰ নাহৰজানৰ যোগীগাৱঁত পথৰ কাষত এৰাল দি থোৱা অৱস্থাত বাইকত অহা দুটা চুৰে এটা খাহী ছাগলী লৈ উধাও হ’ব খুজোঁতেই স্হানীয় লোকে খেদী খেদী চুৰক কৰায়ত্ত কৰি উত্তম মাধ্যম সোধায় ৷ আনটো চুৰ বাইকসহ পলায়ন কৰিবলৈ সক্ষম হ’য় ৷ ৰাইজে আটক কৰা চুৰটোৰ নাম কৃষ্ণ দলে আৰু পলাই যোৱা চৰটো কৰণ শীল বুলি চিনাক্ত কৰা হৈছে ৷ উল্লেখযোগ্য যে কৰণ শীল পূৰ্বেও বাইকচুৰিৰ ঘটনাত জড়িত হৈ জেলৰ ভাত খোৱাৰ দৃষ্টান্ত আছে ৷ এনে ঘটনাই সৰ্বসাধাৰণক অধিক চিন্তিত কৰি তুলিছে ৷ মানুহৰ জীৱন আৰু সম্পত্তিৰ নিৰাপত্তাৰ প্ৰতি লক্ষ্য ৰাখি এই চক্ৰৰ বিৰুদ্ধে আৰক্ষীক কঠোৰ আইনগত পদক্ষেপ গ্ৰহণ কৰিবলৈ ৰাইজে দাবী জনায় ৷
