মৈৰাবাৰীৰ বিভিন্ন প্ৰান্তত ৭৮ তম স্বাধীনতা দিৱস উদযাপন।
সমগ্ৰ দেশত আজি ৭৮ তম স্বাধীনতা দিৱস উলহ মালহেৰে উদযাপন কৰা হয়।
মৈৰাবাৰীৰ বিভিন্ন প্ৰান্ততো ৰাতিপুৱাৰ পৰাই এক আনন্দময় পৰিবেশত স্কুল-কলেজ, অনুষ্ঠান-প্ৰতিষ্ঠান, মাদ্ৰাছা,আৰক্ষী থানা আদিত ত্ৰিৰংগা পতাকা উত্তোলন কৰা হয়।
মৈৰাবাৰী হাইস্কুলত পতাকা উত্তোলন কৰে বিদ্যালয় খনৰ প্ৰধান শিক্ষক ৰেযাওল ইছলাম চৌধুৰীয়ে।
মৈৰাবাৰী আৰক্ষী থানাত পতাকা উত্তোলন কৰে থানা খনৰ পৰিদৰ্শক পঙ্কজ দাসে।
মৈৰাবাৰী প্ৰেছ ক্লাৱত ছাত্ৰ ছাত্ৰী সকলক লৈ পতাকা উত্তোলন কৰে সভাপতি আৰু উপ সভাপতি মেহেবুব মুক্তাৰ, বদৰুজ জামান আকতাৰে।
জামিয়া ইছলামীয়া দাৰুল উলুম মৈৰাবাৰীত প্ৰধান শিক্ষকে পতাকা উত্তোলন কৰে।
পশ্চিম হাতীমূৰীয়া দাৰুল উলুম কোৰান হাফিজিয়া মাদ্ৰাছাত মাদ্ৰাছা খনৰ প্ৰধান শিক্ষক ছাদিকুল ইছলামে পতাকা উত্তোলন কৰে।
মৈৰাবাৰী জ্ঞান বিজ্ঞান বিদ্যাপীঠতো ছাত্ৰ-ছাত্ৰী সকলৰ সৈতে অধ্যক্ষ মুস্তাফিজুৰ ৰহমানে পতাকা উত্তোলন কৰে।
আনহাতে মৈৰাবাৰী সমূহীয়া স্বাস্থ্য কেন্দ্ৰত ত্ৰিৰংগা পতাকা উত্তোলন কৰাৰ লগতে স্বাস্থ্য কেন্দ্ৰটোৰ আশে পাশে অৱস্থিত ১৫ খন ফাৰ্মাচীত একোখনকৈ ডাষ্টবিন প্ৰদান কৰা হয়।
