ডিফুত হেভি স্কোৱাডৰ উদ্যোগত অপেন ওৱেইট ডিভিজন ডেড লিফ্ট ষ্ট্ৰংমেন প্ৰতিযোগিতা
৭৮ সংখ্যক স্বাধীনতা দিৱসৰ লগত সংগতি ৰাখি বৃহস্পতিবাৰে সন্ধিয়া ডিফু কাছা ষ্টেডিয়াম প্ৰাংগনত অনুষ্ঠিত হয় অপেন ওৱেইট ডিভিজন ডেড লিফ্ট ষ্ট্ৰংমেন প্ৰতিযোগিতা ৷ হেভি স্কোৱাডৰ উদ্যোগত আৰু কাৰবি আংলঙ ক্ৰীড়া সন্থাৰ সহযোগত অুনষ্ঠিত হোৱা প্ৰতিযোগিতাত মুখ্য অতিথি হিছাপে উপস্থিত থাকে কাৰবি আংলং স্বায়ত্তশাসিত পৰিষদৰ চিইএম তুলিৰাম ৰংহাঙ ৷ দুটা শাখাত অনুষ্ঠিত হোৱা প্ৰতিযোগিতাৰ পুৰুষ শাখাত বিজয়ী হয় ক্ৰমে, শিৱম বে’, নিমতাছী লামা আৰু ড্ৰিমিনছন ৰংহাঙ ৷ আনহাতে মহিলা শাখাত বিজয়ী হয় তামহিদী ৰংপিপী, গংগোত্ৰী বৰা আৰু নেহা বৰদলৈ ৷ উক্ত প্ৰতিযোগিতাত বিধায়ক বিদ্যাছিং ইংলেঙ, দৰচিং ৰংহাঙ, সাংসদ অমৰচিং তিচ আৰু হেভি স্কোৱাডৰ সাংগঠনিক সম্পাদক মঙলচিং ৰংহাঙ আৰু সম্পাদক সূৰ্য হাঞ্চে উপস্থিত থাকে ৷
