মৈৰাবাৰীত ৰাইজে আটক কৰিলে ড্ৰাগছ সৰবৰাহকাৰী পুৰুষ-মহিলাক।
আজি বিয়লি নগাঁও জিলাৰ ধিং আৰক্ষী থানাৰ এটি অভিযানকাৰী দলে অভিযান চলাই ধিং-মৈৰাবাৰী গৰকাপ্তানী পথত নগাঁৱৰ আহি থকা এটি বাছত অভিযান চলাই চাৰিটা ড্ৰাগছ ভৰ্তি কণ্টিনাৰ সহ এগৰাকী মহিলাক আটক কৰে।
ধিং আৰক্ষীয়ে মহিলা গৰাকীক আটক কৰাৰ পিছতে আন দুগৰাকী পুৰুষ মহিলাক মৈৰাবাৰী পাঞ্জাৱ নেচনেল বেংকৰ সন্মুখত ৰাইজে আটক কৰে।
দুয়ো ধিঙত আটক হোৱা মহিলা গৰাকীৰ লগত ড্ৰাগছ সৰবৰাহত জড়িত থকাৰ সন্দেহ প্ৰকাশ কৰিছে ৰাইজে।
খটখটিৰ পৰা যাত্ৰী কঢ়িয়াই অনা যাত্ৰীবাহী বাছত ড্ৰাগছখিনি মৈৰাবাৰী অঞ্চলৰ কোনোবা ঠাইত সৰবৰাহ কৰিবলৈ অহা বুলি সন্দেহ প্ৰকাশ কৰিছে স্থানীয় লোকে।
আটকাধীন পুৰুষ মহিলাক ইতিমধ্যে মৈৰাবাৰী আৰক্ষীৰ হাতত গতাই দিয়ে ৰাইজে।
