পশ্চিমবংগৰ সম্ভাৱনাময়ী চিকিৎসক ছাত্ৰী ডাক্তৰ মৌমিতা দেৱনাথক যোৱা ৯ আগষ্টৰ নিশা নৰপিশাচৰ দলে বন্য হিংস্ৰতাৰে অমানসিক অত্যাচাৰেৰে উপৰ্যুপৰি ধৰ্ষণ কৰি নৃশংসভাৱে হত্যা কৰে।
এই নাৰকীয় ঘটনাই সমগ্ৰ দেশ কঁপাই যোৱাৰ সমান্তৰালভাৱে চিকিৎসক ছাত্ৰী গৰাকীৰ বাবে ন্যায় বিচাৰি প্ৰতিবাদ অব্যাহত আছে।
দেশৰ প্রান্তে প্রান্তে ছাত্ৰী গৰাকীৰ বিদেহ আত্মাৰ সদগতি প্ৰাৰ্থনা কৰাৰ লগতে দুষীক কঠোৰতম শাস্তি বিহাৰ দাবী তুলিছে প্ৰতিটো দল সংগঠনৰ লগতে সচেতন মহলে।
আজি বোকাজানটো বোকাজান আঞ্চলিক ছাত্ৰ সন্থাই নিজৰাপাৰত ছাত্ৰী গৰাকীৰ আত্মাৰ সদগতিৰ বাবে ৰাজহুৱা শ্ৰদ্ধাঞ্জলি অনুষ্ঠান অনুষ্ঠিত কৰে।
শ্ৰদ্ধাঞ্জলি অনুষ্ঠানত আছুৰ কেন্দ্ৰীয় সমিতিৰ কাৰ্যনিৰ্বাহক সদস্য অৰ্ণবজ্যোতি কাকতি, বোকাজান আৰোগ্য চিকিৎসালয়ৰ চিকিৎসক নাৰ্ছৰ উপৰি বোকাজানৰ জ্যেষ্ঠ নাগৰিক সকলে বন্তি প্ৰজ্জ্বলন কৰি ছাত্ৰী গৰাকীৰ আত্মাৰ সদগতি কামনা কৰি এনে ঘটনাক কঠোৰ ভাষাৰে গৰিহণা দি দুষীক শাস্তিৰ দাবী তোলে।
