ডিগবৈত আপৰ বৃহৎ যোগদান কাৰ্যসূচী অনুষ্ঠান আয়োজন। আগন্ত পঞ্চায়ত নিৰ্বাচনত অকলেই প্ৰতিদণ্ডিতা কৰিব আপে। ডিগবৈ গোলাইৰ হোটেল হেৰিটেজত অনুষ্ঠিত আপৰ যোগদান কাৰ্যসূচীত স্থানীয় সচেতন যুৱক চন্দন কোঁৱৰ, ধীৰাজ লাহন, শান্তনু দৈমাৰী সহ প্ৰায় অৰ্ধশতাধিক যুৱক যুৱতী, কংগ্ৰেছ আৰু বিজেপিৰ কৰ্মকৰ্তাই দলটোত যোগদান কৰে । অনুষ্ঠানত আপৰ উত্তৰ পূৰ্বৰ তত্বাৱধায়ক ৰাজেশ শৰ্মা, আপ অসমৰ উপ-সভাপতি মনোজ ধানোৱাৰ, যুব শক্তিৰ বাবুল বিকাশ চেতিয়া, চাহ শক্তিৰ যোগেশ্বৰ কুৰ্মী সহ বহু কেইজন নেতা উপস্থিত থাকে । মনোজ ধানোৱাৰে আগন্তুক পঞ্চায়ত নিৰ্বাচনত আপে অকলে সমগ্ৰ অসমত প্ৰতিদ্বন্দিতা কৰিব বুলি উল্লেখ কৰি বিজেপি চৰকাৰে বিভিন্ন ঠাইত কৰি অহা উচ্ছেদৰ বিৰুদ্ধে সৰৱ হৈ পৰে। তদুপৰি ডিগবৈ কৃত্ৰিম বানপানীৰ সন্দৰ্ভতো মনোজ ধানোৱাৰে তীব্ৰ প্ৰতিক্ৰিয়া প্ৰকাশ কৰে।
