মায়ং আঞ্চলিক মহাবিদ্যালয়ৰ ছাত্ৰ ছাত্ৰীৰ প্ৰতিবাদl
দেশ কপোৱা কলকতাৰ আৰ জি কৰ মেডিকেল কলেজৰ মহিলা চিকিৎসকৰ গণ ধৰ্ষণ আৰু হত্যাৰ পাছত দেশ জুৰি প্ৰতিবাদ চলিথকাৰ মাজতেই যোৱা কালি নগাৱৰ ধিঙৰ জঘন্য ধৰ্ষণকাণ্ডৰ প্ৰতিবাদত আজি ৰাজপথলৈ ওলাই আহি প্ৰতিবাদ সাব্যস্ত কৰিছে ছাত্ৰছাত্ৰীয়ে ৷ আজি মায়ং আঞ্চলিক মহাবিদ্যালয়ৰ ছাত্ৰ ছাত্ৰী সকলৰ যুটীয়া ভাৱে এক প্ৰতিবাদী কাৰ্যসূচী ৰূপায়ণ কৰে। হাতে হাতে প্লে-কাৰ্ড লৈ এক বিশাল প্ৰতিবাদী সমদল উলিয়ায় । এই সমদলত শিক্ষানুষ্ঠানখনৰ ছাত্ৰছাত্ৰী তথা শিক্ষক শিক্ষয়িত্ৰী সকলে হাতে হাতে বিভিন্ন দাবী সম্বলিত প্লেকাৰ্ড লৈ অংশ গ্ৰহণ কৰে । কলকাতাৰ চিকিৎসক গৰাকী আৰু ধিঙত ধৰ্ষণৰ বলিহোৱা ছাত্ৰী গৰাকীৰ লগতে পৰিয়ালক উচিত ন্যায় প্ৰদানৰ দাবী জনাই প্ৰতিবাদকাৰী সকলে। পুনৰ যাতে এনে ধৰণৰ ঘটনা নহয় তাৰ বাবে প্ৰশাসনক কাঠুৰ ব্যৱস্থা লবলৈ আহ্বান জনাই ছাত্ৰছাত্ৰী সকলে ।
