দুগৰাকী কিশোৰীক উঠাই লোৱা ঘটনাৰ প্ৰতিবাদত তুলসীবিলত বিশাল ধৰ্না গোসাইগাঁও ২৫ আগষ্টঃ গোসাইগাঁও মহকুমাৰ তুলসীবিলত ২৩ আগষ্টত নিশা দুগৰাকী জনজাতীয় কিশোৰীক আঠ গৰাকী দুৰ্বৃত্তৰূপি যুবকে নিজ গৃহৰ সন্মুখৰ পৰা উঠাই লোৱা ঘটনাৰ প্ৰতিবাদত আজি গোসাইগাঁও মহকুমাৰ বিশাল প্ৰতিবাদী সমদল উলিওৱা হয় । চৌতাৰাস্থিত আমিনকাটা হাই স্কুল প্ৰাঙ্গণৰ পৰা এবছুৰ উদ্যোগত আৰু বি এছ ইউ,আক্ৰাছু,বেঙলী ফেডাৰেচন,বজৰং দলৰ সহযোগত উলিওৱা সমদলত সহশ্ৰাধিক পুৰুষ মহিলাই অংশগ্ৰহন কৰি ঘটনাৰ ন্যায় দাবী কৰি বিভিন্ন শ্লোগানেৰে পৰিস্থিতি উত্তাল কৰি তোলে ৷
