যোৰহাট জিলাৰ চেলেংহাটৰ আগশাৰীৰ সাংস্কৃতিক অনুষ্ঠান বিষ্ণু-জ্যোতি সামাজিক সাংস্কৃতিক গোষ্ঠীৰ উদ্যোগত আজি হাহঁচৰাস্থিত শ্বপিং প্লাজাত এদিনীয়া দিহানামৰ প্ৰশিক্ষণ অনুষ্ঠিত কৰা হয়। উল্লেখ্য যে অহা ভাদ মাহৰ ২২ তাৰিখে টীয়ক কলীয়াপানী স্থিত আউনীআটী বিশ্ববিদ্যালয়ৰ শুভ উদ্ধোধন অনুষ্ঠানত ১২২১ গৰাকী মহিলাৰ দ্বাৰা দিহানাম পৰিবেশন লগত সংগতি ৰাখি লোকশিল্পী ৰূপৰেখা বৰুৱাৰ তত্বাৱধানত আজি এই এদিনীয়া দিহানামৰ প্ৰশিক্ষণ অনুষ্ঠিত হয়। অৱসৰপ্ৰাপ্ত আই পি এছ বিষয়া ভূপেন্দ্ৰ নাথ হাজৰীকাই উদ্বোধন কৰা প্ৰশিক্ষণ অনুষ্ঠান টোত সমাজকৰ্মী নিলোৎপল গগৈ, শিক্ষক প্ৰবিত্ৰ গগৈ, বিদ্যুত গগৈকে আদিকে ধৰি বহুকেইজন গণ্য মান্য ব্যক্তি উপস্থিত থাকে। উক্ত প্ৰশিক্ষণ অনুষ্ঠানটোত যোৰহাট, শিৱসাগৰ জিলাৰ প্ৰায় শতাধিক মহিলাই প্ৰশিক্ষণ গ্ৰহণ কৰে।
