মৰিগাঁৱৰ জ্যেষ্ঠ সাংবাদিক ৰাতুল ডেকালৈ মৈৰাবাৰী প্ৰেছ ক্লাৱৰ শ্ৰদ্ধাঞ্জলি। যোৱাৰাতি এটা পথ দুৰ্ঘটনাত অকাল মৃত্যুক সাৱটি লোৱা ‘জিলা মিডিয়া ক্লাৱ’ৰ সভাপতি,জ্যেষ্ঠ সাংবাদিক ৰাতুল ডেকাৰ আজি অসংখ্য গুণমুগ্ধৰ উপস্থিতিত শেষ শ্ৰদ্ধাঞ্জলি জনোৱা হয়। জিলাখনৰ বিভিন্ন অঞ্চলৰ সংবাদ কৰ্মী, অনুষ্ঠান প্ৰতিষ্ঠান,সাংবাদিক গোষ্টীৰ লোক সকলে আজি ৰাতুল ডেকাৰ নশ্বৰ দেহ লৈ মৰিগাঁও চহৰত এক শোভাযাত্ৰা উলিয়াই। মৈৰাবাৰী প্ৰেছ ক্লাৱৰ সভাপতি মেহেবুব মুক্তাৰ, ছাইফুল ইছলাম, নাছিদূৰ ৰহমানকে আদি কৰি প্ৰেছ ক্লাৱৰ কেইবাজনো সদস্যই সাংবাদিক গৰাকীক শেষ শ্ৰদ্ধা জ্ঞাপন কৰে।
