গোসাঁইগাঁৱত অত্যাধিক বিদ্যুৎ মাচুল বৃদ্ধি আৰু স্মাৰ্ট মিটাৰৰ বিৰুদ্ধে কংগ্ৰেছৰ প্ৰতিবাদ
গোসাঁইগাঁও,২৮আগষ্ট:- স্মাৰ্ট মিটাৰৰ বিৰুদ্ধে ৰাজ্যজুৰি চলি আছে প্ৰতিবাদ ।আজি গোসাঁইগাঁও সদৰ চহৰৰ মাজমজিয়াত স্থিত গোসাঁইগাঁও বিদ্যুৎ বিভাগ কাৰ্য্যালয়ত কোকৰাঝাৰ জিলা কংগ্ৰেছ আৰু শ্ৰীৰামপুৰ, যমদুৱাৰ, কচুগাঁও,শৰাইবিল,গুমা ব্লক কংগ্ৰেছৰ উদ্যোগত কোকৰাঝাৰ জিলা যুৱ কংগ্ৰেছৰ সহযোগত অত্যাধিক বিদ্যুৎ মাছুল বৃদ্ধি আৰু স্মাৰ্ট মিটাৰৰ বিৰুদ্ধে গোসাঁইগাঁও বিদ্যুৎ উপ-সংমণ্ডল কাৰ্য্যালয় ঘেৰাও কাৰ্য্যসূচী ৰূপায়ণ কৰে।প্ৰতিবাদকাৰী সকলে স্মাৰ্ট মিটাৰ বন্ধ কৰক,এপিডিচিএল হায় হায়,দুখীয়া জনতাৰ ওপৰত হাৰাশাস্তি বন্ধ কৰক, অসম চৰকাৰ মুৰ্দাবাদ আদি শ্লোগানেৰে আকাশ বতাহ উত্তাল কৰি তোলে।
