খাৰুপেটীয়াত পুনৰ সংঘটিত হৈছে এক নিলৰ্জ ঘটনা । কু:মনোবৃত্তিৰে এগৰাকী নাবালিকা ছাত্ৰীৰ গাত হাত দিয়াৰ অভিযোগ । পূৰ্বেও সংঘটিত কৰিছিল এনে ঘটনা ৰাইজে আৱদ্ধ কৰি আৰক্ষীক গতালে দীপ বৰ্মন নামৰ দোকানী জনক ।
খাৰুপেটীয়াত পুনৰ সংঘটিত হৈছে এক জঘন্য ঘটনা । দৰঙৰ খাৰুপেটীয়াৰ মৰ্ণিং ষ্টাৰ স্কুলৰ এগৰাকী নাবালিকা ছাত্ৰীৰ গাত অসৎ মনোবৃত্তিৰে হাত দিয়াৰ অভিযোগ । খাৰুপেটীয়াৰ জি এন বি ৰোডস্থিত মৰ্ণিং ষ্টাৰ নামৰ স্কুল খনৰ সন্মুখত থকা দীপ বৰ্মন নামৰ দোকানীজনে অসৎ মনোবৃত্তীৰে ১২ বছৰীয়া ছাত্ৰীৰ গাত হাত দিয়াৰ গুৰুতৰ অভিযোগ উত্থাপিত হৈছে । অভিযোগ মতে ছাত্ৰী গৰাকীক প্ৰায়েই দোকানী জনে দোকান খনলৈ মাতি নি গাত হাত দিয়াৰ গুৰুতৰ অভিযোগ । আজি পুৱা ছাত্ৰী গৰাকী টিউচন কৰিবলৈ অহাত দোকানী জনে কিশোৰী গৰাকীক মাতি নি গাত হাত দিয়ে । ঘটনা সন্দৰ্ভত ছাত্ৰী গৰাকীয়ে কান্দি কান্দি পৰিয়ালক অৱগত কৰাৰ পিছত ছাত্ৰ ছাত্ৰীৰ অভিভাৱক সকলে দোকানৰ ভিতৰত দীপ বৰ্মন নামৰ দোকানী জনক আৱদ্ধ কৰি ৰাখি আৰক্ষীক খবৰ দিয়ে । ঘটনাক লৈ এক হুলস্থলীয়া পৰিবেশৰ সৃষ্টি হোৱাত আৰক্ষীৰ এটা দল ঘটনাস্থলীত উপস্থিত হৈ দীপ বৰ্মনক আটক কৰি থানালৈ লৈ যায় । ঘটনা সন্দৰ্ভুত ভোক্তভুগী নাবালিকাৰ পিতৃৰ লগতে বিদ্যালয় খনৰ ছাত্ৰ ছাত্ৰীৰ অভিভাৱক সকলে ঘটনাৰ উচিত তদন্ত কৰি দোষীক দৃষ্টান্ত মুলক শাস্তি প্ৰদান কৰাৰ দাবী তুলিছে ।
