শিলচৰ ৰেল ষ্টেচনত সংঘটিত হৈছে এক ভয়ংকৰ ঘটনা। শিলচৰ ৰেলৱে ষ্টেচনত আৰ পি এছ এফৰ এজন জোৱানে নিজৰ চাৰ্ভিচ ৰিভলভাৰেৰে আত্মহত্যা কৰিছে । শিলচৰ উপ-মুখ্য অভিযন্তাৰ কাৰ্যালয়ত কৰ্তব্যৰত আছিল উত্তৰ প্ৰদেশৰ বাসিন্দা সনোজ পাৱাৰ নামৰ এই আৰ পি এছ এফৰ জোৱানজন l তিনিদিন পূৰ্বে লামডিং কাৰ্যালয়ৰ পৰা শিলচৰত আহিছিল উত্তৰ প্ৰদেশৰ এই জোৱানজন l কৰ্তব্যৰত অৱস্থাত নিজৰ চাৰ্ভিচ ৰিভলভাৰেৰে গুলীচালনা কৰি আত্মহত্যা কৰিছে বুলি জানিব পৰা গৈছে । কিন্তু তেওঁ কিয় আত্মহত্যা কৰিবলৈ বাছি লৈছিল সেয়া এতিয়াও জানিব পৰা হোৱা নাই। আৰক্ষীয়ে ঘটনা সন্দৰ্ভত তথ্য লাভ কৰি মৃতদেহটো উদ্ধাৰ কৰি শিলচৰ চিকিৎসা মহাবিদ্যালয় হাস্পতাললৈ মৃতদেহ পৰীক্ষাৰ বাবে প্ৰেৰণ কৰে আৰু আৰক্ষীয়ে ঘটনাৰ তদন্ত অব্যাহত ৰাখিছে। এই ঘটনাই শিলচৰ ৰেল ষ্টেচন অঞ্চলত চাঞ্চল্যৰ সৃষ্টি হৈছে ।
