তিনিচুকীয়া জিলা তৈলনগৰী ডিগবৈত ১৯ টা নামঘৰ একত্ৰিত হৈ প্ৰতি বছৰে বণাৰ্ঢ্য কাৰ্যসূচীৰে মহাপুৰুষ শ্ৰীমন্ত শঙ্কৰদেৱৰ জন্মোৎসৱ অনুষ্ঠিত কৰি আহিছে। বিগত বছৰৰ দৰে এইবছৰো ৫৭৬ তম জন্মোৎসৱৰ লগত সংগতি ৰাখি এলানি প্ৰতিযোগিতা অনুষ্ঠিত কৰিছে। প্ৰায় ডেৰ মাহ ধৰি আয়োজন কৰা বিভিন্ন প্ৰতিযোগিতাৰ অংশ হিচাপে কবিতা আবৃত্তি প্ৰতিযোগিতা অনুষ্ঠিত হৈ যায় ।১৩ অক্টোবৰলৈকে অনুষ্ঠিত হবলগীয়া জন্মোৎসৱৰ উপলক্ষে প্ৰাৰ্থনা, দিহানাম, বৰগীত, কীৰ্তন পাঠ, বক্তৃতা, আবৃত্তি, কুইজ, তৰ্ক, দশৱতাৰ নৃত্য, সত্ৰীয়া নৃত্য আদি বিভিন্ন এলানি প্ৰতিযোগিতা অনুষ্ঠিত কৰা হৈছে বুলি জন্মোৎসৱৰ অভ্যৰ্থনা সমিতিৰ সভাপতি জিতেন দত্তয়ে অৱগত কৰাৰ লগতে সকলো কাৰ্যসূচীত সমূহ ৰাইজৰ সহযোগিতা কামনা কৰে।
