ধলাই সমষ্টিৰ বাগা শ্বেৰখান রোডৰ ৰাজনগৰত সংঘটিত হৈছে ভয়ঙ্কৰ পথ দুৰ্ঘটনা, ঘটনাত গুৰুতৰভাৱে আহত হৈছে তিনিজন লোক। ভগাবজাৰৰ পৰা জামালপুৰলৈ যোৱাৰ পথত এ এছ ১১ই চি ২০৭৬ নম্বৰৰ এখন তীব্ৰবেগী অটো নিয়ন্ত্ৰণ হেৰুৱাই বাগৰি পৰি যায়। চালকসহ অট’খনত আছিল মোট ৫জন যাত্ৰী। স্থানীয় ৰাইজে গুৰুতৰভাৱে আঘাতপ্ৰাপ্ত তিনিজনক উদ্ধাৰ কৰি হাসপাতালৈ প্ৰেৰণ কৰে । তথ্য লাভ কৰি ধলাই থানাৰ আৰক্ষী বাহিনীয়ে ঘটনাস্থলীত উপস্থিত হয়। আৰক্ষীয়ে দুৰ্ঘটনাগ্ৰস্ত অটোখন উদ্ধাৰ কৰি নিজৰ জিম্মাত লৈ যায়। স্থানীয় ৰাইজে গোট খাই ক্ষোভ প্ৰকাশ কৰি কয় যে সৰু আৰু অপৰিপক্ক চালকসকলে অটো আৰু টেম্পো চলোৱাৰ বাবেই প্ৰায়ে এনে দুৰ্ঘটনা সংঘটিত হয়। তেওঁলোকৰ বহুতৰে লাইছেন্স নাই বুলি আৰক্ষীক জানাই ক্ষুব্ধ ৰাইজে অতি হুনকালে উপযুক্ত ব্যবস্থা গ্রহণ কৰিবলৈ প্ৰশাসনৰ দৃষ্টি আকৰ্ষণ কৰে।
