নৈত গা ধুবলৈ গৈ সন্ধানহীন হৈ পৰে এজন ১৬বছৰীয়া কিশোৰ । শিলচৰ অন্নপূৰ্ণা ফেৰী ঘাট অঞ্চলত চাঞ্চল্যৰ সৃষ্টি হৈছে। শিলচৰ তাৰাপুৰৰ অন্নপূৰ্ণা ফেৰিঘাট অঞ্চলত দেখা গ’ল এক হৃদয়বিদাৰক ঘটনা। চৰম গৰমৰ পৰা পৰিত্ৰাণ পাবলৈ মঙলবাৰে বন্ধুহকলৰ সৈতে বৰাক নদীত গা ধুবলৈ আহি ঘৰলৈ উভতি নাহিল যুৱকজন, হঠাতে গা ধুবলৈ গৈ অদৃশ্য হৈ পৰে সাগৰ ভাসফৰ নামৰ ১৬বছৰীয়া কিশোৰ । ঘটনাটো বিয়পি পৰাৰ লগে লগে অঞ্চলটোত যথেষ্ট চাঞ্চল্যৰ সৃষ্টি হৈছে । এছডিআৰএফ বাহিনীয়ে বৰাক নৈ লৈ নামি বিভিন্ন স্থানত তালাচী অভিযান চলাই যদিও যুৱকজনৰ কোনো সন্ধান পোৱা নাই। ইফালে এই খবৰ পাই নিৰুদ্দেশ হোৱা যুৱকজনৰ পৰিয়ালৰ লোকে ঘটনাস্থলীত উপস্থিত হয় । এই বাতৰি লিখাৰ সময়লৈকে যুৱকজনক বিচাৰি নাপাই পিতৃ-মাতৃকে ধৰি যুৱকজনৰ পৰিয়াল কান্দোনত ভাগি পৰে l যদিও এছডিআৰএফ বাহিনীয়ে অভিযান অব্যাহত ৰাখিছে বুলি জানিব পৰা গৈছে।
