লাহৰীঘাটৰ দাতীয়ালবড়ীত অচিনাক্ত মৃতদেহ উদ্ধাৰ
আজি পুৱাৰ ভাগতে লাহৰীঘাটৰ দাতীয়ালবড়ীৰ দলঙৰ তলত উদ্ধাৰ হয় এটি মৃতদেহ।
পুৱাৰ ভাগতে স্থানীয় ৰাইজে প্ৰত্যক্ষ কৰা মৃতদেহটোৰ খবৰ বিয়পি পৰাৰ লগে লগে অঞ্চলজুৰি সৃষ্টি হৈছে তীব্ৰ চাঞ্চল্যৰ।
মৃত দেহটো মেটেকাৰে তলত প্ৰথমে প্ৰত্যক্ষ কৰে একাংশ স্থানীয় ৰাইজে।
পৰবৰ্তী সময়ত ভেলৌগুৰি আৰক্ষীক খবৰ দিয়ে স্থানীয় ৰাইজে।
কোনো দুষ্কৃতিকাৰীয়ে হত্যা কৰি মৃতদেহটো পেলাই থৈ যায় বুলি একাংশ স্থানীয় ৰাইজে সন্দেহ প্ৰকাশ কৰে।
আৰক্ষীৰ তদন্ততহে ঘটনাটোৰ প্ৰকৃত কাৰণ পোহৰলৈ আহিব।
