বোকাখাতৰ কুৰুৱাবাহী তিনিআলিত ৩৭ নং ৰাষ্ট্ৰীয় ঘাইপথত ডাম্পাৰ আৰু বাইকৰ মাজত সংঘৰ্ষ। নুমলিগড় দিশে যোৱা ডাম্পাৰ পঞ্জীয়ন নম্বৰ WB 57 D 3233 আৰু বোকাখাত দিশে যোৱা পঞ্জীয়ন নম্বৰ AS 05 R 0794 এখন বাইকৰ মাজত দূৰ্ঘটনা সংঘটিত হয়। দুৰ্ঘটনাত বাইক আৰোহীজন গুৰুতৰভাৱে আঘাতপ্ৰাপ্ত হয়।
আঘাতপ্ৰাপ্ত বাইক আৰোহীজনক ততাতৈয়াকৈ ১০৮ এম্বুলেন্সৰ জৰিয়তে বোকাখাত শ্বহীদ কমলা মিৰি অসামৰিক চিকিৎসালয়লৈ প্ৰেৰন। আঘাতপ্ৰাপ্ত বাইক আৰোহীজনক বৰ্তমানলৈকে চিনাক্ত কৰিব পৰা হোৱা নাই।
স্থানীয় ৰাইজৰ অভিযোগ ৩৭ নং ৰাষ্ট্ৰীয় ঘাইপথৰ জৰাজীৰ্ণ ৰূপ তথা চাইডবামৰ বাবে এই অঞ্চলত সঘনাই দূৰ্ঘটনা সংঘটিত হৈ আহিছে।
