আজি দিনৰ ১১বজাত মায়ঙত সংঘটিত হয় এক কৰুণ ঘটনা ৷ পবিতৰাৰ পৰা ওলাই অহা গঁড়ৰ আক্ৰমণত নিহত হয় এজন লোক ৷ লোকজন প্ৰায় ৩৫ বছৰীয়া চাদ্দাম হুছেইন ৷ হাডুক দলঙৰ সমীপত সংঘটিত হয় এই কৰুণ ঘটনা ৷ ডিমৰীয়াৰ কচুতলীৰ চাদ্দাম হুছেইনে এখন স্প্লেণ্ডাৰ মটৰচাইকেলেৰে মায়ঙৰ গাছবাৰী চৰলৈ গৈ থকাৰ সময়তে অতৰ্কিতে আক্ৰমণ কৰে গঁড়ে ৷ ফলত থিতাতে নিহত হয় লোকজন ৷ ঘটনা সংঘটিত হোৱাৰ লগেলগে স্থানীয় লোকে পবিতৰাৰ বনাঞ্চলিক বিষয়াক অবগত কৰে যদিও তিনিঘণ্টা উকলি যোৱাৰ পিছতো ঘটনাস্থলীত উপস্থিত নহ’ল এজনো বনকৰ্মী ৷ যাক লৈ ক্ষোভিত ৰাইজে ঘেৰাও কৰে বনাঞ্চলিক বিষয়াৰ কাৰ্যালয় ৷ অবশ্যে পৰৱৰ্তী সময়ত মায়ং ৰাজহ চক্ৰৰ চক্ৰ বিষয়া প্ৰিয়ংকা গগৈ উপস্থিত হৈ নিয়ন্ত্ৰণ কৰে পৰিস্থিতি ৷
