মহাপুৰুষ শ্ৰীমন্ত শঙ্কৰদেৱৰ জন্মোৎসৱ পালন সমিতিৰ উদ্যোগত ডিগবৈ ৰটাৰী ক্লাব, ডিগবৈ লায়ন্স ক্লাব আৰু বৃহত্তৰ ডিগবৈ যুৱ উন্নয়ন মঞ্চ সহযোগত বৰবিল সাৰ্বজনীন নামঘৰত এটি ৰক্তদান শিবিৰ অনুষ্ঠিত হৈ যায়। উক্ত শিবিৰত ডিব্ৰুগড়স্থিত অসম চিকিৎসা মহাবিদ্যালয়ৰ এটি চিকিৎসা কৰ্মী সজাতি দলে ৰক্তদান কাৰী সকলৰ পৰা ৰক্ত সমূহ সংগ্ৰহ কৰি চিকিৎসা মহাবিদ্যালয়ৰ ৰক্ত ভাণ্ডাৰলৈ লৈ যায়। উক্ত শিবিৰত বৃহত্তৰ ডিগবৈ যুৱ উন্নয়ন মঞ্চৰ কৰ্মী সকল সহ সাধাৰণ সম্পাদক বিৰাজ ৰাজকোঁৱৰ , ৰটাৰী ক্লাবৰ সভানেত্ৰী নিৰ্জা শইকীয়া, সাধাৰণ সম্পাদীকা চিমি ধানোৱাৰ, পূৰ্ণ বৰাৰ লগতে লায়ন্স ক্লাব সভাপতি যদু নাথ গগৈ আৰু সাধাৰণ সম্পাদক ৰাজ সোণোৱাল, কোষাধ্যক্ষ শ্ৰীমান হাজৰিকা লগতে বিশ্বজিৎ দত্ত আৰু ডঃ প্ৰভাত শৰ্মা উপস্থিত থাকি সহযোগিতা আগবঢ়াই। উক্ত শিবিৰত প্ৰায় অৰ্ধ শতাধিক লোকে ৰক্ত দান কৰি মহানুভৱতা প্ৰকাশ কৰে।
