কটকটীয়া নিৰাপত্তা বেষ্টনীৰ মাজত প্ৰদান কৰা হ’ল পাৱৈ চাহ বাগিছাৰ বোনাছ :
মাৰ্ঘেৰিটা চক্ৰ বিষয়া, দণ্ডাধীশ আৰু ডিগবৈ আৰক্ষী থানাৰ ভাৰপ্ৰাপ্ত বিষয়া ৰ উপস্থিতিত আজি শ্ৰমিকৰ মাজত ১৬% বোনাচ প্ৰদান কৰা হয় । বাকী ৪ শতাংশ মাঘ বিহু ত প্ৰদান কৰিব । উল্লেখ্য যে বাগিছা খনৰ শ্ৰমিক সকলে পূজাৰ পূৰ্বে ২০ শতাংশ বোনাছ একেলগে বিচাৰিছিল। কিন্তু বাগিছা কৰ্তৃপক্ষই দুটা কিস্তিত হে দিব বিচাৰি আছিল । ফলত ভাৰতীয় চাহ মজদুৰ সংঘৰ মাৰ্ঘেৰিটা শাখা, পাৱৈ ইউনিট আৰু নেতৃত্বত শ্ৰমিক সকলে একেলগে ২০ শতাংশ বোনাছ প্ৰদানৰ দাবীত প্ৰতিবাদ কৰি দুটা দিন বাগিছা খন সম্পূৰ্ণ বন্ধ কৰি দিছিল। তাৰ পাছত বাগিছাৰ কাম কাজ চলি আছিল যদিও ২০ শতাংশ বোনাছ প্ৰদানৰ দাবীত শ্ৰমিক সকল অটল আছিল । কিন্তু আজি হোৱা এক আলোচনাত বাগিছাৰ পৰিচালকে অহা বছৰৰ পৰা এটা কিস্তিত বোনাছ প্ৰদান কৰা হব বুলি ঘোষনা কৰাত শ্ৰমিক সকলে এইবাৰ দুটা কিস্তিত বোনাছ লবলৈ মান্তি হয় ।
