অইল ইণ্ডিয়া লিমিটেডৰ তৈল পৰিবাহী পাইপ লাইন ফুটাই তেল চুৰি কৰা এটা চক্ৰ যোৰহাটৰ পুলিবৰ আৰক্ষীয়ে গ্ৰেপ্তাৰ কৰিছে। গ্ৰেপ্তাৰ কৰা তেল চুৰি চক্ৰতো হৈছে ক্ৰমে প্ৰণৱ বৰুৱা ( ডিগবৈ) ভুৱন মৰাণ ( বৰডুবি তিনিচুকীয়া) বিকী বৰ শইকীয়া ( দুলিয়াজান) খ্যাতি শইকীয়া ( দুলিয়াজান) পৰাগ বৰা ( পুলিবৰ যোৰহাট) আৰু জিতুল দাস ( পুলিবৰ যোৰহাট ) । চক্ৰটোৰ পৰা তৈল পৰিবাহী পাইপ ফুটা কৰা আৰু তেল চুৰি কৰা বহু সামগ্ৰী উদ্ধাৰ কৰাৰ লগতে এটা অনুজ্ঞাপত্ৰ থকা পিষ্টল, এখন চুইফ্ট গাড়ী জব্দ কৰা হৈছে। উল্লেখযোগ্য যে পূৰ্বেও এই চক্ৰটোৰ বিৰুদ্ধে অইলৰ তেল চুৰিৰ গোচৰ পঞ্জীয়ন আছে।
