অবৈধ শিক্ষক নিযুক্তি দি চাকৰিৰ দৰমহা হজম কৰিছে হোজাইৰ মোৰাঝাৰৰ এজন শিক্ষকে৷বছৰ বছৰ ধৰি অবৈধ পন্থাৰে চাকৰিকাল পাৰ কৰা এইগৰাকী শিক্ষকক নাকি লগাব কোনে ?কেৱল ইমানেই নহয় বিদ্যালয়ৰ সময়সূচীত নিজৰ কৰ্তব্যত ফাঁকি দি এইগৰাকী বিয়াগোম শিক্ষকে আন কাৰ্যালয়ত দালালি কৰাৰ গুৰুতৰ অভিযোগ তুলিছে অভিভাৱক তথা ৰাইজেশিক্ষক জন হৈছে লংকা শিক্ষা খণ্ডৰ অন্তৰ্গত চাৰিংপথাৰ এল পি স্কুলৰ সহ শিক্ষক কপিল উদ্দিনকপিল উদ্দিনে নিজৰ ঠাইত আন এগৰাকী অবৈধ শিক্ষক নিযুক্তি দি তেওঁ কৰ্তব্য ফাঁকি দি
অহাৰ গুৰুতৰ অভিযোগ উত্থাপিত হৈছেতেওঁ কেৱল পুৱাই ঘৰৰ কাষত থকা বিদ্যালয়খনৰ চৌহদত প্ৰৱেশ কৰি অনলাইন উপস্থিতি দিয়েই দায়িত্ব সামৰে৷এইগৰাকী বিয়োগোম শিক্ষকে প্ৰধান শিক্ষক মুজিবুৰ ৰহমান ,পৰিচালনা সমিতিৰ সভাপতি বা শিক্ষা বিভাগৰ বৰমুৰীয়াকো কেৰেপ নকৰেআজি উপায়ন্তৰ হৈ এইগৰাকী শিক্ষকৰ বিৰুদ্ধে লংকা শিক্ষা খণ্ডৰ বিষয়া আৰু জিলা আয়ুক্তৰ ওচৰত অভিযোগ দিয়ে ৰাইজেএতিয়া বিভাগীয় কৰ্তৃপক্ষই কি ব্যৱস্থা লয় সময়ত লক্ষণীয় হব৷
