বৰ্হিঃৰাজ্যলৈ কৰ্মৰ সন্ধানত যোৱা মৰিয়নিৰ এজন যুৱক যাত্ৰা পথতে সন্ধানহীণ AV কৰ্মৰ সন্ধানত বৰ্হিঃৰাজ্যলৈ যোৱা মৰিয়নিৰ বৈছাহাবি চাহ বাগিছাৰ পুৰনা লাইনৰ এজন যুৱক ৰহস্যজনকভাৱে যাত্ৰা পথতে সন্ধানহীণ হোৱা ঘটনাই চাঞ্চল্য সৃষ্টি কৰিছে।যোৱা ৮ নৱেম্বৰত মৰিয়নি ৰে’ল জংচনৰ পৰা ৰে’লে যোগে বাংগালুৰু অভিমুখে মন্টু গোৱালা নামৰ বিবাহিত যুৱকজন সমন্ধীয় দুগৰাকী ব্যক্তিৰ সৈতে ৰাওনা হৈছিল।কিন্তু যাত্ৰা পথতে ৰে’লৰ পৰা টি টিয়ে কোনো কাৰনত তিনিওজনকে মাজনিশা অন্ধ্ৰ প্ৰদেশৰ নীলু নামৰ ৰে’ল ষ্টেচনটোত নমাই দিয়া বুলি পৰিয়ালৰ লোকক জানিবলৈ দিয়ে।ৰে’ল ষ্টেচনটোৰ পৰাই ৰহস্যজনক ভাৱে পুৱতি নিশা সন্ধানহীণ হয় মন্টু গোৱালা।ইয়াৰ পাছৰ পৰায়ে যুৱকজন সন্ধানহীণ হৈ থকা লগতে কোনোধৰনৰ যোগাযোগ নোহোৱাত পৰিয়ালৰ লোক সকল চিন্তিত হৈ পৰিছে।অচিনাকী ঠাইত যুৱকজন বিপদত পৰাৰ শংকা কৰিছে পৰিয়ালৰ লোকে।লগত যোৱা দুই ব্যক্তিয়ে যুৱকজনৰ সন্ধানৰ বাবে ৰে’ল আৰক্ষীৰ সহায় বিচাৰিছে যদিও কোনোধৰনৰ সঁহাৰি লাভ নকৰা বুলি জানিবলৈ দিছে।বৰ্তমানেও ৰে’ল ষ্টেচনটোতে আছে উক্ত ব্যক্তি দুজন।যুৱকজন সন্ধানহীণ হোৱাৰ সন্দৰ্ভত পৰিয়ালৰ লোকে স্থানীয় চেলেংহাট আৰক্ষীক অৱগত কৰাত আৰক্ষীয়ে যুৱকজনৰ ফটো সহ সন্ধানহীণ হোৱাৰ বাৰ্তা অন্ধ্ৰপ্ৰদেশ আৰক্ষীলৈ প্ৰেৰণ কৰিছে যদিও বৰ্তমানলৈকে যুৱকজনৰ কোনোধৰনৰ সম্ভেদ লাভ কৰা নাই
