নগাঁও: নগাঁও জিলাৰ চামগুৰি বিধানসভা সমষ্টিৰ উপ-নিৰ্বাচনৰ ঘোষিত ফলাফলত সমষ্টিটোৰ বিজেপি দলৰ প্ৰাৰ্থী দিপ্লুৰঞ্জন শৰ্মাই ভাৰতীয় জাতীয় কংগ্ৰেছ দলৰ প্ৰাৰ্থী তাঞ্জিল হুছেইনক পৰাজিত কৰি বিধানসভা লৈ নিৰ্বাচিত হয়। নগাঁও জিলা প্ৰশাসনৰ তথ্য অনুসৰি বিজেপি দলৰ প্ৰাৰ্থী দিপ্লুৰঞ্জন শৰ্মাই ১৫ নং ৰাউণ্ড তথা অন্তিমটো ৰাউণ্ডত ৭৮,৬২৮ টা ভোট লাভ কৰাৰ বিপৰীতে কংগ্ৰেছ দলৰ প্ৰাৰ্থী তাঞ্জিল হুছেইনে ৫৫,৮৭৩ টা ভোট লাভ কৰে। দৰাচলতে দিপ্লুৰঞ্জন শৰ্মাই মুঠ ২২,৭৫৫ টকা ভোটৰ ব্যৱধানত বিজয়ী হয়।
