ৰাজধানী এক্সপ্ৰেছত বহি গৈ আছিল পৰিয়ালটো, TTE আহি সুধিলে, ‘‘টিকট ক’ত?’’, উত্তৰ শুনাৰ পিছতে ডবাটো লাগিল হাহাকাৰ
কিমান সুৰক্ষিত ৰে’ল যাত্ৰা? পোহৰলৈ আহিছে এক ভয়ংকৰ ঘটনা। ৰাজধানী এক্সপ্ৰেছত মহা কুম্ভৰ পৰা উভতি অহা এটা পৰিয়াল লৈ ৰে’লৰ কৰ্মচাৰীয়ে বৰ্বৰতাৰ সকলো সীমা অতিক্ৰম কৰিলে। জানিব পৰা অনুসৰি পৰিয়ালটোৱে দিল্লীলৈ যাবলৈ অযোধ্যা এক্সপ্ৰেছত টিকট বুকিং কৰিছিল যদিও ৰে’ল বাতিলৰ বাবে ৰাজধানী এক্সপ্ৰেছত উঠে।
01
কিমান সুৰক্ষিত ৰে’ল যাত্ৰা? পোহৰলৈ আহিছে এক ভয়ংকৰ ঘটনা। ৰাজধানী এক্সপ্ৰেছত মহা কুম্ভৰ পৰা উভতি অহা এটা পৰিয়াল লৈ ৰে’লৰ কৰ্মচাৰীয়ে বৰ্বৰতাৰ সকলো সীমা অতিক্ৰম কৰিলে। জানিব পৰা অনুসৰি পৰিয়ালটোৱে দিল্লীলৈ যাবলৈ অযোধ্যা এক্সপ্ৰেছত টিকট বুকিং কৰিছিল যদিও ৰে’ল বাতিলৰ বাবে ৰাজধানী এক্সপ্ৰেছত উঠে।
02
ৰে’লখনে যাত্ৰা আৰম্ভ কৰাৰ পিছতে TTE ষ্টাফ আহিছিল, তেতিয়া তেওঁলোকে পৰিয়ালটোৰ পৰা জৰিমনা বিহাৰৰ উপৰিও বৃহৎ পৰিমাণৰ ধন দাবী কৰিছিল। পৰিয়ালৰ লোকে দাবী কৰা ধন দিবলৈ অস্বীকাৰ কৰিছিল। তেতিয়াই TTE পৰিয়ালটোক নিৰ্মমভাৱে আক্ৰমণ কৰে। TTE কৰ্মচাৰীয়ে গৰ্ভৱতী আৰু বৃদ্ধ মহিলাকো ৰেহাই দিয়া নাছিল। তাৰোপৰি চুলিত ধৰি লৈ নিৰ্মমভাৱে প্ৰহাৰৰ কৰাৰ অভিযোগ উত্থাপন কৰে। ৰে’লখন বৰেলীত পোৱাৰ লগে লগে ভুক্তভোগী পৰিয়ালে জি আৰ পিৰ পৰা সহায় বিচাৰে।
03
জানিব পৰা অনুসৰি দুগৰাকী মহিলাকে ধৰি তিনিগৰাকী লোকৰ অৱস্থা সংকটজনক। বৰ্তমান আৰক্ষীয়ে ভুক্তভোগী পৰিয়ালটোক চিকিৎসাৰ বাবে জিলা চিকিৎসালয়লৈ প্ৰেৰণ কৰিছে। এই বৰ্বৰ ঘটনাটো ডিব্ৰুগড়-নতুন দিল্লী ২০৫০৫ চনৰ ৰাজধানী এক্সপ্ৰেছত সংঘটিত হৈছিল।
04
দিল্লীৰ ছাটাৰপুৰৰ নিবাসী ভাৰত ভূষণে বিগত ১৫ ফেব্ৰুৱাৰীত পৰিয়ালৰ সৈতে মহা কুম্ভ স্নান কৰিবলৈ গৈছিল। পত্নী, দুই পুত্ৰ, দুগৰাকী বোৱাৰী, বৃদ্ধ মাক আৰু কন্যাক লগত লৈ গৈছিল ভাৰত ভূষণে।
05
বুধবাৰে পুৱা প্ৰয়াগৰাজৰ পৰা লক্ষ্ণৌত উপস্থিত হয় ভাৰত ভূষণসহ পৰিয়ালটো। অযোধ্যা এক্সপ্ৰেছেৰে দিল্লীলৈ উভতি যাবলগীয়া হ’ল যদিও ৰে’লখন বাতিল হ’ল। সেইবাবে পৰিয়ালৰ সৈতে ভাৰত ভূষণে ডিব্ৰুগড়ৰ পৰা নতুন দিল্লীলৈ লক্ষ্ণৌৰ পৰা ৰাজধানী এক্সপ্ৰেছত উঠিছিল।
06
অভিযোগ অনুসৰি টিটিয়ে ভাৰত ভূষণক জনোৱা মতে, জৰিমনা আৰু উৎকোচকেধৰি প্ৰতিগৰাকীৰ পৰা ৭,৫০০ টকাকৈ বিচাৰিছিল। পৰিয়ালৰ লোকে কয় যে জৰিমনাসহ টিকটৰ খৰচ আমাৰ পৰা লওক কিন্তু কোনো ধৰণৰ উৎকোচ নিদিয়ে। এই কথাত ক্ষোতি হৈ পৰিল ৰে’লখনৰ টিটি ষ্টাফ।
07
টিটি ষ্টাফে ভাৰত ভূষণক মাৰপিট কৰিবলৈ ধৰিলে। যেতিয়া পৰিয়ালে তেওঁক বচাবলৈ চেষ্টা কৰিছিল তেতিয়া টিটিৰ কৰ্মচাৰীয়ে আনকি মহিলাসকলকো ৰেহাই নিদিলে। মহিলাকেইগৰাকীক টানি নি নৃশংসভাৱে প্ৰহাৰ কৰা হয়। ন্যায় বিচাৰি প্ৰধানমন্ত্ৰীক আবেদন জনাইছে পৰিয়ালৰ লোকে।
