হিন্দু ধৰ্মত সূৰ্যগ্ৰহণৰ অধিক মহত্ত্ব আছে। যিয়ে আমাৰ জীৱনৰ বহু দিশত প্ৰভাৱ পেলাব পাৰে। সেয়েহে সূৰ্যগ্ৰহণৰ দিনটোত মানুহে কেইবাটাও বিষয়ৰ যত্ন ল’ব লগা হয়।
জ্যোতিষ শাস্ত্ৰৰ মতে, ইয়াৰ প্ৰভাৱ উপকাৰী বা ক্ষতিকাৰক হ’ব পাৰে। যাৰ প্ৰভাৱ বহুদিনলৈ থাকে। পিছে বছৰৰ এই প্ৰথমটো সূৰ্যগ্ৰহণ ভাৰতত দেখিবলৈ পোৱা নাযায়। ইয়াৰ বাহিৰেও সূৰ্যগ্ৰহণৰ লগত শনি অমাৱস্যাৰ কাকতলীয়া ঘটনাও দেখা যাব।
চ’ত মাহৰ শুক্ল পক্ষৰ অমাৱস্যা অৰ্থাৎ আজি ২৯ মাৰ্চত বছৰৰ প্ৰথম সূৰ্যগ্ৰহণ হ’ব।এই সূৰ্যগ্ৰহণ আংশিক হ’ব।
দক্ষিণ আমেৰিকা, আংশিক উত্তৰ আমেৰিকা, উত্তৰ এছিয়া, উত্তৰ-পশ্চিম আফ্ৰিকা, ইউৰোপ, উত্তৰ মেৰু, আৰ্কটিক মহাসাগৰ আৰু আটলাণ্টিক মহাসাগৰত এই সূৰ্যগ্ৰহণ দৃশ্যমান হ’ব। ২৯ মাৰ্চ শনিবাৰে ভাৰতীয় সময় অনুসৰি, দুপৰীয়া ২:২০ বজাৰ পৰা আৰম্ভ হ’ব আৰু সন্ধিয়া ৬:১৬ বজাত শেষ হ’ব সূৰ্যগ্ৰহণ। সূৰ্যগ্ৰহণৰ মুঠ সময় হ’ব ৩ ঘন্টা ৫৩ মিনিট।
যিহেতু ভাৰতত সূৰ্যগ্ৰহণ দৃশ্যমান নহ’ব, সেয়েহে এই সূৰ্যগ্ৰহনে ভাৰতত কোনো শাৰীৰিক, আধ্যাত্মিক, ধৰ্মীয় বা আধ্যাত্মিক প্ৰভাৱ পেলাব নোৱাৰে। এই সময়ছোৱাত ভাৰতৰ মানুহৰ দৈনন্দিন কাম-কাজ পূৰ্বৰ দৰেই স্বাভাৱিক হৈ থাকিব। শাস্ত্ৰ অনুযায়ী সূৰ্যগ্ৰহণৰ প্ৰভাৱ সূৰ্যগ্ৰহণ দেখা পোৱা অঞ্চলতহে অনুভৱ কৰা হয়।
সূৰ্যগ্ৰহণৰ সময়ত এইবোৰ কথা মনত ৰাখিব লাগে-
- সূৰ্যগ্ৰহণৰ পিছত গংগা পানীৰে গা ধুই সমগ্ৰ ঘৰৰো শুদ্ধি কৰিব লাগে।
- সূৰ্যগ্ৰহণৰ সময়ত পোনপটীয়াকৈ সূৰ্য্যৰ ফালে চোৱাৰ পৰা বিৰত থাকিব লাগে।
- গৰ্ভৱতী মহিলাই সূৰ্যগ্ৰহণৰ সময়ত ভুলতেও ঘৰৰ বাহিৰলৈ ওলাই যাব নালাগে।
- সূৰ্যগ্ৰহণৰ সময়ত প্ৰয়োজনতহে ঘৰৰ বাহিৰলৈ ওলাই যাব লাগে আৰু কোনো বেয়া কাম কৰিব নালাগে।
- সূৰ্যগ্ৰহণ শেষ হোৱাৰ পিছত ভগবান হনুমানক পূজা কৰিব লাগে। ইয়াৰ দ্বাৰা আমাৰ সকলো অসুবিধা দূৰ হ’ব।
সূৰ্যগ্ৰহণৰ সময়ত কিয় খোৱা-বোৱা নিষিদ্ধ?
ধৰ্মগ্ৰন্থত কোৱা হৈছে যে, সূৰ্যগ্ৰহণৰ সময়ত একো খাব নালাগে। সূৰ্যগ্ৰহণৰ সময়ত খাদ্য খোৱাৰ ফলত স্বাস্থ্যৰ ওপৰত বিৰূপ প্ৰভাৱ পৰে বুলিও পুৰাণত কোৱা হৈছে। সূৰ্যগ্ৰহণৰ সময়ত খাদ্য গ্ৰহণ কৰিলে সকলো সৎকৰ্ম আৰু কৰ্ম নাশ হয়।
