প্ৰায় সংখ্যক লোকে চুলিৰ যত্ন ল’বৰ বাবে নাৰিকল তেল ব্যৱহাৰ কৰে । ছালৰ শুকান হোৱা সমস্যা দূৰ কৰিবলৈও বহু লোকে নাৰিকলৰ তেল ব্যৱহাৰ কৰা হয়। বিশেষজ্ঞসকলৰ মতে, কেৱল নাৰিকলৰ তেলেই নহয়, ইয়াৰ পানীও চুলি আৰু ছালৰ বাবে অতি উপকাৰী।
নাৰিকলৰ পানী অতি স্বাস্থ্যকৰ পানীয়। নাৰিকলৰ পানী পুষ্টিকৰ উপাদানৰে সমৃদ্ধ। দৈনিক ইয়াক সেৱন কৰিলে স্বাস্থ্যৰ বহু উপকাৰ পোৱা যায়।
নাৰিকলৰ পানীত পটাছিয়াম, ছডিয়াম, মেগনেছিয়াম আদি ইলেক্ট্ৰলাইটৰ এক উৎকৃষ্ট উৎস থাকে। এই খনিজ পদাৰ্থবোৰে শৰীৰত তৰল পদাৰ্থৰ ভাৰসাম্য ৰক্ষা কৰাত সহায় কৰে, যি হাইড্ৰেচনৰ বাবে অতিকৈ প্ৰয়োজনীয়।
দৈনিক নাৰিকলৰ পানী সেৱন কৰিলে শৰীৰত কি প্ৰভাৱ পৰিব জানো আহক-
- নাৰিকলৰ পানীত হাইড্ৰেচনৰ প্ৰাকৃতিক উৎস আৰু ই ঘামৰ ফলত হেৰুওৱা তৰল পদাৰ্থ পুনৰ ঘূৰাই অনাত সহায় কৰে। চেনিযুক্ত বা উচ্চ কেলৰিযুক্ত পানীয়ৰ সলনি ই এক উৎকৃষ্ট বিকল্প, যিয়ে পানীৰ পিয়াহ কম কৰাত অৰিহণা যোগাব পাৰে।
- নাৰিকলৰ পানীয়ে বৃক্কৰ পাথৰ কমাব পাৰে। দৈনিক নাৰিকলৰ পানী সেৱন কৰিলে শৰীৰত শক্তি বৰ্তি থাকে আৰু লগতে ই কিডনীত পাথৰ সৃষ্টি হোৱাত বাধা দিয়ে। নাৰিকল পানীৰ হাইড্ৰেটিং গুণ ছালৰ স্বাস্থ্যৰ বাবে উপকাৰী হ’ব পাৰে, ই যৌৱনকাল বজাই ৰখাত সহায় কৰে।
- নিয়মীয়াকৈ নাৰিকলৰ পানী খালে ই মলাশয়ৰ কৰ্কট ৰোগ প্ৰতিৰোধ কৰে আৰু হজম আৰু বিপাক উন্নত কৰে। যাৰ ফলত দেহত ৰক্ত শৰ্কৰাৰ স্তৰ নিয়ন্ত্ৰণত থাকে। ডাব নাৰিকলে ডিটক্সিঙতো সহায় কৰে।
- নাৰিকল পানীত থকা ট্ৰাইগ্লিচাৰাইডে হৃদৰোগৰ আশংকা কমাই আৰু কলেষ্টেৰ’লৰ পৰিমাণ নিয়ন্ত্ৰণত সহায়ক হয়। নাৰিকলত প্ৰাকৃতিক বেক্টেৰিয়া বিৰোধী, ভাইৰাছ বিৰোধী আৰু ফাংগাছ বিৰোধী গুণ আছে, যিয়ে ইমিউন ছিষ্টেমক মজবুত কৰাত সহায় কৰে।
- নাৰিকল পানী ৰক্তহীনতা দূৰ কৰাৰ বাবে উপকাৰী। ই দেহৰ ভিটামিন ,আইৰন,হিম’গ্লবিন,কেলচিয়াম আদি পোষক দ্ৰব্যৰ অভাৱো দুৰ কৰে।
