নগাঁৱৰ পাথৰিত সংঘটিত হ’ল মানৱ সমাজক লজ্জানত কৰা এক ঘটনা । অবৈধ মাতৃত্বৰ বোজা সহিব নোৱাৰি সন্তান প্ৰসৱ কৰি নিজ সন্তানক দলিয়ালে জংঘললৈ ৷ এই ঘটনা স্থানীয় একাংশ লোকে প্ৰত্যক্ষ কৰি নৱজাতক সহ প্ৰসূতি গৰাকীক লগে লগে পাথৰি আয়ুষ্মান আৰোগ্য মন্দিৰত ভৰ্ত্তি কৰে । পৰৱৰ্তী সময়ত ঘটনাস্থলীত স্থানীয় লোক স্বাস্থ্য কেন্দ্ৰটোত উপস্থিত হৈ সৃষ্টি কৰে উত্তপ্ত পৰিস্থিতিৰ । এই ঘটনাৰ পাছতেই ঘটনাস্থলীত আৰক্ষী উপস্থিত হৈ নৱজাতক সহ প্ৰসূতি গৰাকীক উদ্ধাৰ কৰি উন্নত চিকিৎসাৰ বাবে নগাঁও চিকিৎসা মহা বিদ্যালয়লৈ প্ৰেৰণ কৰে ।
