বৃহস্পতিবাৰে দক্ষিণ কামৰূপৰ মিৰ্জাৰ আগশাৰীৰ শিক্ষানুষ্ঠান দক্ষিণ কামৰূপ মহাবিদ্যালয়ত নৱাগত আদৰণী সভা অনুষ্ঠিত কৰা হয়।ইয়াৰ লগত সংগতি ৰাখি পতাকা উত্তোলন, বন্তি প্ৰজ্বলন, শ্বহীদ তৰ্পণ, প্ৰাচীৰ পত্ৰিকা “অংকুৰ” উন্মোচন কৰা হয় আৰু লগতে মহাবিদ্যালয়ৰ ছাত্ৰ ছাত্ৰী সকলৰ প্ৰতিভা বিকাশৰ অৰ্থে ছাত্ৰ ছাত্ৰীসকলৰ মাজত বিভিন্ন সাংস্কৃতিক অনুষ্ঠান আয়োজন কৰে।দুপৰীয়াৰ ভাগত এখন মুকলি সভা আয়োজন কৰে৷
মুকলি সভাখনিত সভাপতিত্ব কৰে দক্ষিণ কামৰূপ মহাবিদ্যালয়ৰ অধ্যক্ষ ড° নৱজ্যোতি দাস দেৱে৷মুখ্য অতিথি হিচাপে উপস্থিত থাকে গুৱাহাটী বিশ্ববিদ্যালয়ৰ ভূগোল বিজ্ঞান বিভাগৰ প্ৰাক্তন মুৰব্বী অধ্যাপক ড° অৱনী কুমাৰভাগৱতী , সন্মানীয় অতিথিৰুপে উপস্থিত থাকে পলাশবাৰী সমষ্টিৰ বিধায়ক হেমাংগ ঠাকুৰীয়া, নিৰ্দিষ্ট বক্তাহিচাপে উপস্থিত থাকে সদৌ কামৰূপ জিলাৰ ছাত্ৰসন্থাৰ উপদেষ্টা নিৰোদ কুমাৰ দাস দেৱ৷লগতে নিমন্ত্ৰিত কণ্ঠশিল্পী প্ৰবীন বৰাই গীত পৰিবেশন কৰে৷
