সদৌ অসম ছাত্ৰ সন্থাৰ ভাৰপ্ৰাপ্ত সাধাৰণ সম্পাদকৰ দায়িত্ব লাভ কৰাৰ পিছতে বৃহস্পতিবাৰে জন্মভূমি কাৰ্বি আংলঙত উপস্থিতl
সদৌ অসম ছাত্ৰ সন্থাৰ ভাৰপ্ৰাপ্ত সাধাৰণ সম্পাদকৰ দায়িত্ব লাভ কৰাৰ পিছতে বৃহস্পতিবাৰে জন্মভূমি কাৰ্বি আংলঙত উপস্থিত হোৱা ছৰ্জুন হাঞ্চেক জিলাখনৰ বিভিন্ন স্থানত বিপুল আদৰণি জনায় কাৰ্বি আংলং জিলা ছাত্ৰ সন্থা, বিভিন্ন আঞ্চলিক ছাত্ৰ সন্থাৰ উপৰি জিলাখনৰ বিভিন্ন দল-সংগঠনে।
বৃহস্পতিবাৰে সন্ধিয়া ডিফুত উপস্থিত হোৱা ভাৰপ্ৰাপ্ত সাধাৰণ সম্পাদকগৰাকীক ডিফু ক্লাবত আয়োজন কৰা এক অনুষ্ঠানৰ জৰিয়তে পাহাৰীয়া জিলাখনৰ বিভিন্ন দল-সংগঠনৰ লগতে অনুষ্ঠান আদিয়ে সম্বৰ্ধনা জ্ঞাপন কৰে।
অসমবাসীৰ লগতে কাৰ্বি আংলংবাসীৰ আশীৰ্বাদ শীৰত লৈ সদৌ অসম ছাত্ৰ সন্থাৰ মজিয়াৰ পৰা নিজৰ দায়িত্ব সূচাৰুৰূপে পালন কৰি যোৱাৰ প্ৰতিশ্ৰুতি প্ৰদান কৰে ছাত্ৰ নেতাগৰাকীয়ে।
কাৰ্বি আংলঙৰ এগৰাকী জনজাতীয় ছাত্ৰ নেতাক আছুৰ ভাৰপ্ৰাপ্ত সাধাৰণ সম্পাদকৰ দায়িত্ব অৰ্পণ কৰাত বিভিন্নজনে সদৌ অসম ছাত্ৰ সন্থাৰ শলাগ লয়। ছৰ্জুন হাঞ্চে, তেওঁৰ মাতৃ, কাৰ্বি আংলং জিলা মহিলা সমিতি, সদৌ ডিমাছা ছাত্ৰ সন্থা।
