বাহনত প্ৰেছ লিখি প্ৰাক্তন আপলা উগ্ৰপন্থী সংগঠনৰ সেনাধ্যক্ষ নামিল ড্ৰাগছ সৰবৰাহত
বোকাজান মহকুমাৰ মহকুমা আৰক্ষী বিষয়া ৰুষ্টম ৰাজ ব্ৰক্ষ্ম,খটখতি আৰক্ষী থানাৰ ভাৰপ্ৰাপ্ত বিষয়া নিতুল শইকীয়াৰ নেতৃত্বত যোৱা অভিযান কাৰী দলটোৱে বোকাজান মহকুমাৰ কাৰাগাওঁৰ ৰানা বস্তিত আজি দিনৰ ভাগত AS31-4291 নম্বৰৰ এখন বাহনত তালাচী চলাই উদ্ধাৰ কৰে ১১.৩৮গ্ৰাম ড্ৰাগছ।
আৰক্ষীয়ে এই সন্দৰ্ভত আদিবাসী উগ্ৰপন্থী সংগঠন আপলাৰ প্ৰাক্তন মুখ্য সেনাধ্যক্ষ আৰু ২০২৩ চনত আৰক্ষীৰ ওচৰত আত্মসমৰ্পণ কৰা তথা স্বয়ম্ভূ সাংবাদিক চাহিল মুণ্ডাক আটক কৰিছে,ইয়াৰ উপৰিও ৰোহিত ৰয়,চামচুল নেহাৰ,আনুৱাৰ হুছেইন নামৰ ধৃত সৰবৰাহকাৰী কেইটাক আটক কৰিছে।
ধৃত সৰবৰাহকাৰী কেইটাৰ পৰা পাঁচটা মোবাইল ফোন,সংবাদমাধ্যমৰ এটা logo জব্দ কৰিছে আৰক্ষীয়ে।
