বুধবাৰে নিশা ১১:৪৫ মান বজাত মৈৰাবাৰী মহাবিদ্যালয়ৰ সন্মুখৰ এটা পৰিত্যক্ত ঘৰৰ পৰা ওলাই অহা এটা অজগৰ সাপে অঞ্চলটোত এক আতংকময় পৰিবেশৰ সৃষ্টি কৰে।
কাষৰীয়া লোকৰ ঘৰত নিশা ১১ টা মান বজাত সাপটো সোমাই অহাত আতংকময় পৰিস্থিতিৰ সৃষ্টি হয় আৰু স্থানীয় ৰাইজে মৈৰাবাৰী আৰক্ষীক খবৰ দিয়ে।
পিছলৈ মৈৰাবাৰী আৰক্ষীৰ এটা দল ঘটনাস্থলীত উপস্থিত হৈ মৰিগাঁও বন বিভাগক খবৰ দিয়ে যদিও কোনোধৰণৰ সুফল নাপায়। উপায়ন্ত্ৰৰ হৈ মৈৰাবাৰী থানাৰ আৰক্ষীৰ দলটোৱে অজগৰ সাপটোক উদ্ধাৰ কৰি থানালৈ লৈ যায়।
বৰ্ত্তমান মৈৰাবাৰী আৰক্ষীৰ জিম্মাত আছে অজগৰ সাপটো।
