জাগীৰোডৰ ভেৰভেৰীস্থিত অপ্ৰাদেশিকৃত যমুনাপাৰ মাধ্যমিক বিদ্যালয়ৰ বিজ্ঞান শিক্ষক ৰঞ্জিত বৰুৱাৰ দেহাৱসান

জাগীৰোডৰ ভেৰভেৰীস্থিত অপ্ৰাদেশিকৃত যমুনাপাৰ মাধ্যমিক বিদ্যালয়ৰ বিজ্ঞান শিক্ষক ৰঞ্জিত বৰুৱাৰ দেহাৱসান। বৃহস্পতিবাৰে গুৱাহাটীৰ এখন ব্যক্তিগত চিকিৎসালয়ত চিকিৎসাধীন অৱস্থাতে মৃত্যু হয় ৰঞ্জিত বৰুৱাৰ। বৰুৱাই ১৯৯৮ চনৰ পৰা বিগত ২৬ বছৰে বিনা বেতনেৰে যমুনাপাৰ মাধ্যমিক বিদ্যালয়ত ছাত্ৰ ছাত্ৰী সকলক শিক্ষা প্ৰদান কৰি আহিছিল । হাতীয়ামুখ গাঁৱৰ নিবাসী শিক্ষক ৰঞ্জিত বৰুৱাৰ মৃত্যুত অঞ্চলটোৰ বাবে এক অপুৰণীয় ক্ষতি। তেখেতৰ নশ্বৰ দেহত শেষ শ্ৰদ্ধাঞ্জলি অৰ্পণ কৰে বিদ্যালয়ৰ ছাত্ৰ ছাত্ৰী, শিক্ষক শিক্ষয়িত্ৰী, যমুনাপাৰ মধ্য ইংৰাজী বিদ্যালয়, ভেৰভেৰী প্ৰাথমিক বিদ্যালয়, ৰূপজ্যোতি সংঘ , গাওঁৰক্ষী বাহিনী , প্ৰাক্তন ছাত্ৰ ছাত্ৰী, বিদ্যালয় পৰিচালনা সমিতি আৰু ভেৰভেৰী গাঁৱৰ ৰাইজৰ লগতে বিভিন্ন দল সংগঠন আৰু অনুষ্ঠান প্ৰতিষ্ঠানে। তেখেতে ইহ সংসাৰত পত্নী, দুটি সন্তান আৰু আত্মীয় স্বজনক এৰি থৈ যায়। শিক্ষক বৰুৱাৰ মৃত্যুত অঞ্চলজুৰি শোকৰ ছাঁ।