জুৰীয়াত পুনৰ বাঘৰ আক্ৰমণ । বাঘৰ আক্ৰমণত গুৰুতৰ ভাৱে আহত এজন
জুৰীয়াৰ পুঠিমাৰিত সংঘটিত হৈছে এই ঘটনা
বাঘৰ আক্ৰমণৰ বলি হোৱা লোকজনৰ নাম আব্দুল ৰেজ্জাক বুলি জানিব পৰা গৈছে। আব্দুল ৰেজ্জাকে ঘৰৰ ওচৰতে পথাৰত কাম কৰি থকা অৱস্থাত বাঘটোৱে আক্ৰমন কৰে। সম্প্ৰতি আব্দুল ৰেজ্জাকক নগাঁৱলৈ লৈ প্ৰেৰণ কৰিছে। উল্লেখ্য যে যোৱা এপষেক ধৰি জুৰীয়া, ধিং,অঞ্চলৰ পথাৰত অৱস্থান কৰি থকা বাঘ টোৱে ইতিপূৰ্বে তিনিজনকৈ লোকক আক্ৰমণ কৰি গুৰুতৰ ভাবে আহত কৰিছিল।বাঘটোক পিঞ্জৰাবদ্ধ কৰাৰ লক্ষ্যৰে বিভাগে এসপ্তাহৰ পূৰ্বেই জেঙনীত পিঞ্জৰা স্থাপন কৰিয়েই দায়িত্ব সামৰণি মাৰিছিল যদিও বৰ্তমানেও বাঘটোক নিয়ন্ত্ৰণ কৰিব নোৱাৰাৰ বাবেই সন্ত্ৰাস অব্যাহত ৰাখিছে।
